Обедница что за служба
ОБЕДНИЦА (Изобразительные) Неделя 22 по Пятидесятнице. Глас 5. Собор Архистратига Михаила.
21 ноября́ 2021 гóда. Недéля 22 по Пятидеся́тнице. Собóр Архистрати́га Михаи́ла и прóчих Небéсных Сил безплóтных. Архáнгелов Гаврии́ла, Рафаи́ла, Урии́ла, Селафии́ла, Иегудии́ла, Варахии́ла и Иеремии́ла. Глас 5. Служба прáздника для домáшнего (келéйного) совершéния. Служба мирски́м чи́ном.
ЧИН ОБЕДНИЦЫ
Глагóли сице: Благослови, душé моя, Гóспода,/ благословéн еси Гóсподи.
Псалом 102
Благослови, душé моя, Гóспода,/ и вся внутренняя моя имя святóе Егó./ Благослови, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недуги твоя,/ избавляющаго от истлéния живóт твой,/ венчáющаго тя милостию и щедрóтами,/ исполняющаго во благих желáние твоé:/ обновится яко óрля юность твоя./ Творяй милостыни Господь,/ и судьбу всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждует,/ не по беззакóнием нáшим сотворил есть нам,/ ниже по грехóм нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помяну, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не будет, и не познáет ктому мéста своегó./ Милость же Госпóдня от вéка и до вéка на боящихся Егó,/ и прáвда Его на сынéх сынóв, хранящих завéт Егó, и пóмнящих зáповеди Егó творити я./ Госпóдь на Небеси уготóва Престóл Свой,/ и Цáрство Егó всéми обладáет./ Благословите Гóспода вси Ангели Егó,/ сильнии крéпостию, творящии слóво Егó, услышати глас словéс Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся делá Егó,/ на всяком мéсте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душé моя, Гóспода,/ и вся внутренняя моя имя святóе Егó./ Благословéн еси, Гóсподи.
Слáва Отцу и Сыну и Святóму Духу.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в зéмлю свою./ В той день погибнут вся помышлéния eгó./ Блажéн, eмуже Бог Иáковль Помóщник егó,/ уповáние eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
И поем Блаженны с тропарями из Октоиха
Хор: Во Цáрствии Твоéм помяни нас, Гóсподи,/ егда приидеши, во Цáрствии Твоéм.
Хор: Блажéни нищии духом,/ яко тех есть Цáрство Небéсное.
Хор: Блажéни плáчущии,/ яко тии утéшатся.
На 10. Хор: Блажéни крóтции,/ яко тии наслéдят зéмлю.
Чтец (стихиры воскрéсные, глас 5): Разбóйник на крестé Бóга Тя бы́ти вéровав, Христé,/ исповéда Тя чи́сте от сéрдца,// помяни́ мя, Гóсподи, вопия́, во Цáрствии Твоéм.
Хор: Блажéни áлчущии и жáждущии прáвды,/ яко тии насытятся.
Чтец: И́же на Дрéве Крéстнем/ жизнь процвéтшаго рóду нáшему,/ и изсуши́вша ю́же от дрéва кля́тву,// я́ко Спáса и Содéтеля соглáсно воспои́м.
На 8. Хор: Блажéни милостивии,/ яко тии помиловани будут.
Чтец: Смéртию Твоéю, Христé, смéртную разруши́л еси́ си́лу, и совоздви́гл еси́ и́же от вéка умéршыя, Тя́ пою́щыя и́стиннаго Бóга и Спáса нáшего.
Хор: Блажéни чистии сéрдцем,/ яко тии Бóга узрят.
Чтец: На грóб Твóй, Христé, пришéдшя жены́ честны́я, искáху Тя́, Жизнодáвче, миропомáзати, и яви́ся и́м áнгел вопия́: воскрéсе Госпóдь.
Хор: Блажéни миротвóрцы,/ яко тии сынове Бóжии нарекутся.
На 6. Чтец: Распéншу Ти ся, Христé, посредé двою́ осуждéнною разбóйнику,/ еди́н у́бо ху́ля Тя, осуждéн бысть прáведне:// други́й же исповéдая Тя, в рай всели́ся.
Хор: Блажéни изгнáни прáвды рáди,/ яко тех есть Цáрство Небéсное.
Чтец: Ко апóстолов ли́ку пришéдша жены́ честны́я,/ возопи́ша: Христóс воскрéсе,// я́ко Влады́це и Содéтелю Тому́ поклони́мся.
Хор: Блажéни естé, егда понóсят вам,/ и изженут, и рекут всяк зол глагóл на вы лжуще Менé рáди.
На 4.Чтец (Безплóтных, глас 8): Крéпостию постáвил еси́, Безсмéртне, си́льныя,/ совершáющия всесвяту́ю Твою́ вóлю,// Тебé в вы́шних всегдá предстоя́щия.
Хор: Рáдуйтеся и веселитеся,/ яко мзда вáша мнóга на небесéх.
Чтец: Таи́нники Твоегó вочеловéчения и честна́го воста́ния,// А́нгельския чинонача́льники, Христé, за ны приими́ моля́щияся.
Хор: Слáва Отцу и Сыну и Святóму Духу.
Чтец: А́нгелы приста́вил еси́ храни́тели человéком, я́ко Благоутрóбен,// служи́тели же показáл еси́, Христé, спасéния Твои́х угóдников.
Хор: И ныне и присно и во вéки векóв. Аминь.
Чтец (Богорóдичен): Неизречéнно зачалá еси́ Гóспода и Спáса, Богоневéсто,// избавля́ющаго ны от лю́тых, Тя вои́стинне призывáющия.
Тропари и кондаки
Тропáрь Безплóтных, глас 4: Небéсных вóинств Архистрати́зи,/ мóлим вас при́сно мы, недостóйнии,/ да вáшими моли́твами оградите́ нас/ крóвом крил невещéственныя ва́шея слáвы,/ сохраня́юще ны, припáдающия прилéжно и вопию́щия:/ от бед избáвите ны,// я́ко чиноначáльницы вы́шних Сил.
Слáва Отцу и Сыну и Святóму Духу.
Кондáк Безплóтных, глас 2: Архистрати́зи Бóжии,/ служи́телие Божéственныя слáвы,/ А́нгелов начáльницы и человéков настáвницы,/ полéзное нам проси́те и вéлию ми́лость,// я́ко Безплóтных Архистрати́зи.
И ныне и присно и во вéки векóв. Аминь.
Кондáк воскрéсный, глас 5: Ко áду, Спáсе мой, сошéл еси́,/ и вратá сокруши́вый я́ко всеси́лен,/ умéрших, я́ко Создáтель, совоскреси́л еси́,/ и смéрти жáло сокруши́л еси́,/ и Адáм от кля́твы избáвлен бысть, Человеколю́бче;/ тéмже вси зовéм:// спаси́ нас, Гóсподи.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен воскресный, глас 5
Чтец: Проки́мен, глас пя́тый, псалóм Дави́дов. Ты, Гóсподи, сохрани́ши ны, и соблюдéши ны от рóда сегó и во век.
Хор: Ты, Гóсподи, сохрани́ши ны, и соблюдéши ны/ от рóда сегó и во век.
Чтец: Спаси́ мя, Гóсподи, я́ко оскудé преподóбный.
Хор: Ты, Гóсподи, сохрани́ши ны, и соблюдéши ны/ от рóда сегó и во век.
Прокимен безплотных, глас 4
Чтец: Проки́мен, глас четве́ртый. Творя́й А́нгелы Своя́ ду́хи и слуги́ Своя́ плáмень óгненный.
Хор: Творя́й А́нгелы Своя́ ду́хи/ и слуги́ Своя́ плáмень óгненный.
АПОСТОЛ
Чтец: К Галáтом послáния святáго апóстола Пáвла чтéние.
(Гал.зач.215): Брáтие, ви́дите коли́цеми кни́гами писáх вам моéю рукóю. Ели́цы хотя́т хвали́тися по плóти, си́и ну́дят вы обрéзатися, тóчию да не Крестóм Христóвым гóнятся. Ни бо обрéзающиися сáми закóн храня́т, но хотя́т вам обрéзоватися, да в вáшей плóти похвáлятся. Мне же да не бу́дет хвали́тися, то́кмо о Крестé Гóспода нáшего Иису́са Христá, и́мже мне мир распя́ся, и аз ми́ру. О Христé бо Иису́се ни обрéзание что мóжет, ни необрéзание, но новá тварь. И ели́цы прáвилом сим жи́тельствуют, мир на них и ми́лость, и на Изрáили Бóжии. Прóчее, труды́ да никтóже ми даéт: аз бо я́звы Гóспода Иису́са на тéле моéм ношу́. Благодáть Гóспода нáшего Иису́са Христá со ду́хом вáшим, брáтие. Ами́нь.
[ Русский синодальный перевод ] Видите, как много написал я вам своею рукою. Желающие хвалиться по плоти принуждают вас обрезываться только для того, чтобы не быть гонимыми за крест Христов, ибо и сами обрезывающиеся не соблюдают закона, но хотят, чтобы вы обрезывались, дабы похвалиться в вашей плоти. А я не желаю хвалиться, разве только крестом Господа нашего Иисуса Христа, которым для меня мир распят, и я для мира. Ибо во Христе Иисусе ничего не значит ни обрезание, ни необрезание, а новая тварь. Тем, которые поступают по сему правилу, мир им и милость, и Израилю Божию. Впрочем никто не отягощай меня, ибо я ношу язвы Господа Иисуса на теле моем. Благодать Господа нашего Иисуса Христа со духом вашим, братия. Аминь.(6:11-18)
(Евр.зач.305): Брáтие, áще глагóланное А́нгелы слóво бысть извéстно, и вся́ко преступлéние и ослушáние прáведное прия́т мздовоздая́ние, кáко мы убежи́м, о толи́цем неради́вше спасéнии, éже зачáло приéмше глагóлатися от Гóспода, слы́шавшими в нас извести́ся, сосвидéтельствующу Бóгу знáменьми же и чудесы́, и разли́чными си́лами, и Ду́ха Святáго разделéньми, по Своéй Ему́ вóли? Не А́нгелом бо покори́ Бог вселéнную гряду́щую, о нéйже глагóлем. Засвидéтельствова же нéгде нéкто, глагóля: что есть человéк, я́ко пóмниши егó? Или́ сын человéческий, я́ко посещáеши и́? Умáлил еси́ егó мáлым нéчим от А́нгел, слáвою и чéстию венчáл еси́ егó и постáвил еси́ егó над дéлы руку́ Твоéю, вся покори́л еси́ под нóзе егó. Внегдá же покори́ти ему́ вся́ческая, ничтóже остáви ему́ непокорéно. Ны́не же не у ви́дим ему́ вся́ческая покорéна. А умáленаго мáлым чим от А́нгел ви́дим Иису́са, за прия́тие смéрти слáвою и чéстию венчáнна, я́ко да благодáтию Бóжиею за всех вку́сит смéрти. Подобáше бо ему́, Егóже рáди вся́ческая и И́мже вся́ческая, привéдшу мнóги сы́ны в слáву, начáльника спасéния их страдáньми соверши́ти.
Аллилуиарий воскресный, глас 5
Чтец: Аллилу́иа, аллилу́иа, аллилу́иа, Глас четвéртый.
Хор: Аллилу́иа, аллилу́иа, аллилу́иа.
Чтец: Наляцы, и успевáй, и цáрствуй истины рáди, и крóтости, и прáвды.
Хор: Аллилуиа, аллилуиа, аллилуиа.
Чтец: Возлюбил еси прáвду и возненавидел еси беззакóние.
Хор: Аллилуиа, аллилуиа, аллилуиа.
Аллилуиарий безплотных
Чтец: Глас вторы́й: Хвали́те Гóспода, вси áнгели Егó, хвали́те Егó, вся си́лы Егó.
Хор: Аллилу́иа, аллилу́иа, аллилу́иа.
Чтец: Я́ко Той рече́ и бы́ша, Той повеле́ и создáшася.
Хор: Аллилу́иа, аллилу́иа, аллилу́иа.
ЕВАНГЕЛИЕ
От Луки́ Святáго Евáнгелия чтéние.
Хор: Слáва Тебé, Гóсподи, слáва Тебé.
(Лк.зач.39): Во врéмя óно: человéк нéкий приступи́ ко Иису́су, ему́же и́мя Иаи́р, и той князь сóнмищу бе, и пад при ногу́ Иису́сову, моля́ше Егó вни́ти в дом свой, я́ко дщи единорóдна бе ему́, я́ко лет двоюнáдесяте, и та умирáше. Егдá же идя́ше, нарóди угнетáху Егó. И женá су́щи в точéнии крóве от двоюнáдесяте лéту, я́же врачéм издáвши все имéние, и не возмóже ни от еди́наго исцелéти, и присту́пльши созади́, косну́ся крáя риз Егó, и áбие ста ток крóве ея́. И речé Иису́с: кто есть косну́выйся Мне? Отметáющимся же всем, речé Петр и и́же с Ним: Настáвниче, нарóди одержáт Тя и гнету́т, и глагóлеши: кто есть косну́выйся Мне? Иису́с же речé: прикосну́ся Мне нéкто, Аз бо чух си́лу изшéдшую из Менé. Ви́девши же женá, я́ко не утаи́ся, трепéщущи прии́де, и пáдши пред Ним, за ню́же вину́ прикосну́ся Ему́, повéда Ему́ пред всéми людьми́, и я́ко исцелé áбие. Он же речé ей: дерзáй дщи, вéра твоя́ спасé тя, иди́ в ми́ре. Ещé Ему́ глагóлющу, прии́де нéкий от архисинагóга, глагóля ему́, я́ко у́мре дщи твоя́, не дви́жи Учи́теля. Иису́с же слы́шав отвещá ему́, глагóля: не бóйся, тóкмо вéруй, и спасéна бу́дет. Пришéд же в дом, не остáви ни еди́наго вни́ти, то́кмо Петрá и Иоáнна и Иáкова, и отцá отрокови́цы, и мáтере. Плáкахуся же вси и рыдáху ея́. Он же речé: не плáчитеся, не у́мре бо, но спит. И ругáхуся Ему́, вéдяще, я́ко у́мре. Он же изгнáв вон всех, и ем за ру́ку ея́, возгласи́, глагóля: отрокови́це, востáни. И возврати́ся дух ея́, и воскрéсе áбие, и повелé дáти ей я́сти. И диви́стася роди́теля ея́. Он же повелé и́ма никому́же повéдати бы́вшее.
[ Русский синодальный перевод ] И вот, пришел человек, именем Иаир, который был начальником синагоги; и, пав к ногам Иисуса, просил Его войти к нему в дом, потому что у него была одна дочь, лет двенадцати, и та была при смерти. Когда же Он шел, народ теснил Его. И женщина, страдавшая кровотечением двенадцать лет, которая, издержав на врачей всё имение, ни одним не могла быть вылечена, подойдя сзади, коснулась края одежды Его; и тотчас течение крови у ней остановилось. И сказал Иисус: кто прикоснулся ко Мне? Когда же все отрицались, Петр сказал и бывшие с Ним: Наставник! народ окружает Тебя и теснит, – и Ты говоришь: кто прикоснулся ко Мне? Но Иисус сказал: прикоснулся ко Мне некто, ибо Я чувствовал силу, исшедшую из Меня. Женщина, видя, что она не утаилась, с трепетом подошла и, пав пред Ним, объявила Ему перед всем народом, по какой причине прикоснулась к Нему и как тотчас исцелилась. Он сказал ей: дерзай, дщерь! вера твоя спасла тебя; иди с миром. Когда Он еще говорил это, приходит некто из дома начальника синагоги и говорит ему: дочь твоя умерла; не утруждай Учителя. Но Иисус, услышав это, сказал ему: не бойся, только веруй, и спасена будет. Придя же в дом, не позволил войти никому, кроме Петра, Иоанна и Иакова, и отца девицы, и матери. Все плакали и рыдали о ней. Но Он сказал: не плачьте; она не умерла, но спит. И смеялись над Ним, зная, что она умерла. Он же, выслав всех вон и взяв ее за руку, возгласил: девица! встань. И возвратился дух ее; она тотчас встала, и Он велел дать ей есть. И удивились родители ее. Он же повелел им не сказывать никому о происшедшем.(8:41-56)
(Лк.зач.51): Речé Госпóдь Свои́м ученикóм: слу́шаяй вас, Менé слу́шает, и отметáяйся вас, Менé отметáется, отметáяйся же Менé, отметáется Послáвшаго Мя. Возврати́шася же сéдмьдесят с рáдостию, глагóлюще: Гóсподи, и бéси повину́ются нам о и́мени Твоéм. Речé же им: ви́дех сатану́ я́ко мóлнию с небесé спáдша. Се, даю́ вам власть наступáти на змию́ и на скорпи́ю и на всю си́лу врáжию, и ничесóже вас вреди́т. Обáче о сем не рáдуйтеся, я́ко ду́си вам повину́ются, рáдуйтеся же, я́ко именá вáша напи́сана суть на небесéх. В той час возрáдовася ду́хом Иису́с и речé: исповéдаю Ти ся, О́тче, Гóсподи небесé и земли́, я́ко утаи́л еси́ сия́ от прему́дрых и разу́мных, и откры́л еси́ та младéнцем, ей, О́тче, я́ко тáко бысть благоволéние пред Тобóю.
[ русский синодальный перевод ] (Слушающий вас Меня слушает, и отвергающийся вас Меня отвергается; а отвергающийся Меня отвергается Пославшего Меня. Семьдесят учеников возвратились с радостью и говорили: Господи! и бесы повинуются нам о имени Твоем. Он же сказал им: Я видел сатану, спадшего с неба, как молнию; се, даю вам власть наступать на змей и скорпионов и на всю силу вражью, и ничто не повредит вам; однако ж тому не радуйтесь, что духи вам повинуются, но радуйтесь тому, что имена ваши написаны на небесах. В тот час возрадовался духом Иисус и сказал: славлю Тебя, Отче, Господи неба и земли, что Ты утаил сие от мудрых и разумных и открыл младенцам. Ей, Отче! Ибо таково было Твое благоволение.(10:16-21)
Хор: Слáва Тебé, Гóсподи, слáва Тебé.
Помяни нас, Гóсподи, егда прии́деши во Цáрствии Твоéм.
Помяни нас, Владыко, егда прии́деши во Цáрствии Твоéм.
Помяни нас, Святый, егда прии́деши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Вéрую во Еди́наго Бóга Отцá, Вседержителя, Творцá нéбу и земли, видимым же всем и невидимым. И во Единаго Гóспода Иисуса Христа, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосущна Отцу, Имже вся быша. Нас рáди человéк и нáшего рáди спасéния сшéдшаго с небéс и воплотившагося от Духа Свята и Мари́и Дéвы и вочеловéчшася. Распятаго же за ны при Понти́йстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одесную Отцá. И пáки грядущаго со слáвою судити живым и мéртвым, Егóже Цáрствию не будет концá. И в Духа Святáго, Гóспода, Животворящаго, Иже от Отцá исходящаго, Иже со Отцéм и Сыном спокланяема и сслáвима, Глагóлавшего прорóки. Во едину Святую, Собóрную и Апóстольскую Цéрковь. Исповéдую едино крещéние во оставлéние грехóв. Чáю воскресéния мéртвых, и жи́зни будущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи, яже во умé и помышлéнии, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДАК
Кондáк воскрéсный, глас 5: Ко áду, Спáсе мой, сошéл еси́,/ и вратá сокруши́вый я́ко всеси́лен,/ умéрших, я́ко Создáтель, совоскреси́л еси́,/ и смéрти жáло сокруши́л еси́,/ и Адáм от кля́твы избáвлен бысть, Человеколю́бче;/ тéмже вси зовéм:// спаси́ нас, Гóсподи.
Гóсподи, помилуй. (12 раз)
И молитву: Всесвятáя Трóице, Единосущная Держáво, Нераздéльное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глагóлю: Един Свят, Един Госпóдь, Иисус Христóс, во слáву Бóга Отцá, аминь.
Буди имя Госпóдне благословéно от ныне и до вéка. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Псалом 33
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херуви́м и слáвнeйшую без сравнéния Серафи́м,/ без истлéния Бóга Слóва рóждшую, су́щую Богорóдицу Тя величáем.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Гóсподи, Иисусе Христé, Сыне Бóжий, молитвами Пречистыя Твоея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.
Обедница что за служба
Богослужения мирянским чином
Обедница (изобразительные)
Для примера приведена служба 6 гласа самого распространенного напева в церковных службах в течение всего года.
Слова службы 6 гласа выделены почеркиванием и могут быть заменены на соответствующий текст иного гласа (1 5, 7, 8).
Старший возглавляющий богослужение; произносит важнейшие возгласы, совершает каждение, читает Евангелие.
Чтец любой из мирян.
Братия все присутствующие на службе миряне.
Старший:
М олитвами Святых Отец, Господи Иисусе Христе Боже наш, помилуй нас.
Братия:
А минь.
Братия:
Г осподи, помилуй. (12 раз) читается вместо великой ектеньи
Старший:
С лава Отцу и Сыну и Святому Духу. И ныне и присно и во веки веков.
Братия:
А минь.
Чтец читает псалом 102:
Б лагослови душе моя Господа, и вся внутренняя моя имя святое Его.
Благослови душе моя Господа, и не забывай всех воздаяний Его;
Очищающаго вся беззакония твоя, исцеляющаго вся недуги твоя;
Избавляющаго от истления живот твой, венчающаго тя милостию и щедротами;
Исполняющаго во благих желание твое: обновится яко орля юность твоя.
Творяй милостыни Господь, и судьбу всем обидимым.
Сказа пути Своя Моисеови, сыновом Исраилевым хотения Своя;
Щедр и милостив Господь, долготерпелив и многомилостив.
Не до конца прогневается, ниже во век враждует;
Не по беззаконием нашим сотворил есть нам, ниже по грехом нашым воздал есть нам.
Яко по высоте небесней от земли, утвердил есть Господь милость Свою на боявшихся Его.
Елико отстоят востоцы от запад, удалил есть от нас беззакония наша.
Якоже щедрит отец сыны, ущедри Господь боящихся Его.
Яко Той позна создание наше, помяну, яко персть есмы.
Человек, яко трава дние его, яко цвет сельный, тако оцветет;
Яко дух пройде в нем, и не будет, и не познает ктому места своего.
Милость же Господня от века и до века на боящихся Его.
И правда Его на сынех сынов, хранящих завет Его, и помнящих заповеди Его творити я.
Господь на небеси уготова Престол Свой, и Царство Его всеми обладает.
Благословите Господа вси Ангели Его, сильнии крепостию, творящии слово Его, услышати глас словес Его.
Благословите Господа вся силы Его, слуги Его, творящии волю Его.
Благословите Господа вся дела Его, на всяком месте владычества Его.
Старший:
С лава Отцу и Сыну и Святому Духу. И ныне и присно и во веки веков.
Братия:
А минь.
Братия:
Б лагослови, душе моя, Господа, и вся внутренняя моя имя святое Его. Благословен еси, Господи.
Старший:
С лава Отцу и Сыну и Святому Духу.
Чтец читает псалом 145:
Х вали, душе моя, Господа. Восхвалю Господа в животе моем, пою Богу моему, дондеже есмь.
Не надейтеся на князи, на сыны человеческия, в нихже несть спасения.
Изыдет дух его и возвратится в землю свою: в той день погибнут вся помышления его.
Блажен, ему же Бог Иаковль помощник его, упование его на Господа Бога своего;
Сотворшаго небо и землю, море и вся, яже в них;
Хранящаго истину в век, творящаго суд обидимым, дающаго пищу алчущим.
Господь решит окованныя, Господь умудряет слепцы.
Господь возводит низверженныя, Господь любит праведники.
Господь хранит пришельцы, сира и вдову приимет и путь грешных погубит.
Воцарится Господь во век, Бог твой, Сионе, в род и род.
Старший:
И ныне и присно и во веки веков.
Братия:
А минь.
Старший:
В о Царствии Твоем, помяни нас, Господи, егда приидеши во Царствии Твоем.
Братия:
Б лажени нищии духом, яко тех есть Царство Небесное.
Б лажени плачущии, яко тии утешатся.
Б лажени кротцыи, яко тии наследят землю.
Б лажени алчущии и жаждущии правды, яко тии насытятся.
Б лажени милостивии, яко тии помиловани будут.
Чтец читает стих шестого гласа:
П омяни мя Боже Спасе мой, егда приидеши во Царствии Твоем, и спаси мя яко един Человеколюбец.
Братия:
Б лажени чистии сердцем, яко тии Бога узрят.
Чтец читает стих шестого гласа:
Д ревом Адама прельстившагося, Древом крестным паки спасл еси и разбойника, вопиюща: помяни мя Господи во Царствии Твоем.
Братия:
Б лажени миротворцы, яко тии сынове Божии нарекутся.
Чтец читает стих шестого гласа:
А дова врата и вереи сокрушивый Жизнодавче, воскресил еси вся Спасе вопиющия: слава востанию Твоему.
Братия:
Б лажени изгнани правды ради, яко тех есть Царство Небесное.
Братия:
Б лажени есте, егда поносят вам, и изженут, и рекут всяк зол глагол на вы, лжуще Мене ради.
Чтец читает стих шестого гласа:
М ироносицы ко гробу пришедша, ангела зовуща слышаху: Христос воскресе, просветивый всяческая.
Братия:
Р адуйтеся и веселитеся, яко мзда ваша многа на небесех.
Чтец читает стих шестого гласа:
Н а Древе крестнем пригвоздившагося, и мир от прелести избавльшаго, согласно вси Христа воспоим.
Старший:
С лава Отцу и Сыну и Святому Духу.
Чтец читает троичен шестого гласа:
О тца, и Сына славословим, и Духа Святаго, глаголюще: Троице Святая, спаси душы наша.
Старший:
И ныне и присно и во веки веков.
Чтец читает богородичен шестого гласа:
Н еизреченно в последняя заченши, и рождши Создателя Твоего, Дево, спасай Тя величающыя.
Братия:
С вятый Боже, Святый Крепкий, Святый Безсмертный, помилуй нас.
С вятый Боже, Святый Крепкий, Святый Безсмертный, помилуй нас.
С вятый Боже, Святый Крепкий, Святый Безсмертный, помилуй нас.
Чтец читает прокимен шестого гласа:
П рокимен, Псалом Давидов, глас шестый.
С паси Господи, люди Твоя, и благослови достояние Твое.
К Тебе, Господи, воззову, Боже мой, да не премолчиши от мене.
Чтец:
Д еяний святых апостол чтение.
(Или: Соборного послания Иоаннова [Петрова] чтение. Причем не принято говорить какое это послание первое, второе, или третье. Или: К римляном [К коринфяном; К галатом; К Тимофею и т.п.] послания святого апостола Павла чтение)
Старший читает Апостол.
Чтец:
А ллилуиа, глас шестый.
Братия:
А ллилуиа, Аллилуиа, Аллилуиа.
Чтец читает аллилуиарий шестого гласа:
Ж ивый в помощи Вышняго, в крове Бога Небесного водворится.
Братия:
А ллилуиа, Аллилуиа, Аллилуиа.
Чтец продолжает читать аллилуиарий шестого гласа:
Р ечет Господеви: Заступник мой еси и Прибежище мое, Бог мой, и уповаю на Него.
Братия:
А ллилуиа, Аллилуиа, Аллилуиа.
Братия:
Г осподи помилуй, Господи помилуй, Господи помилуй.
Стаpший:
О т [Матфея; Марка; Луки; Иоанна] Святаго Евангелия чтение.
Братия:
С лава Тебе, Господи, слава Тебе. -поклон-
Братия:
С лава Тебе, Господи, слава Тебе. -поклон-
Братия:
Г осподи, помилуй. (40 раз) читается вместо сугубой ектеньи
Старший:
С лава Отцу и Сыну и Святому Духу. И ныне и присно и во веки веков.
Братия:
А минь.
Чтец:
H енавидящих и обидящих нас пpости, Господи Человеколюбче.
Благотвоpящим благосотвоpи.
Бpатиям и сpодником нашим даpyй яже ко спасению пpошения и жизнь вечнyю.
В немощех сyщия (имена) посети и исцеление даpyй.
Яже в моpи yпpави.
Пyтешествyющим (имена) спyтешествyй.
Слyжащим и милyющим нас гpехов оставление даpyй.
Заповедовавших нам недостойным молитися о них (имена) помилyй по велицей Твоей милости.
Помяни, Господи, бpатий наших плененных и избави я от всякого обстояния.
Помяни, Господи, плодоносящих и добpоделающих во святых Твоих цеpквах, и даждь им яже ко спасению пpошения и жизнь вечнyю.
Помяни, Господи, и нас, смиpенных и гpешных и недостойных pаб Твоих, и пpосвети наш yм светом pазyма Твоего, и настави нас на стезю заповедей Твоих, молитвами Пpечистыя Владычицы нашея Богоpодицы и Пpиснодевы Маpии и всех Твоих святых: яко благословен еси во веки веков.
Братия:
А минь.
Братия:
П омяни нас, Господи, егда приидеши во Царствии Твоем. -поклон-
П омяни нас, Владыко, егда приидеши во Царствии Твоем. -поклон-
П омяни нас, Святый, егда приидеши во Царствии Твоем. -поклон-
Чтец:
Л ик небесный поет Тя и глаголет: Свят, Свят, Свят Господь Саваоф, исполнь небо и земля славы Твоея. Приступите к Нему и просветитеся, и лица ваша не постыдятся. Лик небесный поет Тя и глаголет: Свят, Свят, Свят Господь Саваоф, исполнь небо и земля славы Твоея.
Старший:
С лава Отцу и Сыну и Святому Духу.
Чтец:
Л ик святых Ангел и Архангел со всеми небесными силами поет Тя и глаголет: Свят, Свят, Свят Господь Саваоф, исполнь небо и земля славы Твоея.
Старший:
И ныне и присно и во веки веков.
Братия:
А минь.
Братия:
В ерую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век; Света от Света, Бога Истинна от Бога Истинна, рожденна, несотворенна, Единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша и погребенна. И воскресшаго в третий день по Писанием, и возшедшаго на небеса и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, Глаголавшего пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Старший:
О слаби, остави, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.
Братия:
О тче наш, Иже еси на небесах! Да святитится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избавь нас от лукавого.
Старший:
Г осподи, Иисусе Христе, Сыне Божий, помилуй нас.
Братия:
А минь.
Здесь чтец может прочитать кондак святому данного дня
Чтец читает воскресный кондак шестого гласа:
Ж ивоначальною дланию умершия от мрачных удолий Жизнодавец воскресив всех Христос Бог, воскресение подаде человеческому роду: есть бо всех Спаситель, воскресение и живот, и Бог всех.
Братия:
Г осподи, помилуй. (12 раз) читается вместо просительной ектеньи
Старший:
С лава Отцу и Сыну и Святому Духу. И ныне и присно и во веки веков.
Братия:
А минь.
Старший:
В сесвятая Троице, Единосущная Державо, Нераздельное Царство, всех благих Вина, благоволи же и о мне грешнем, утверди, вразуми сердце мое, и всю мою отыми скверну, просвети мою мысль, да выну славлю, пою, покланяюся и глаголю: Един Свят, Един Господь, Иисус Христос, во славу Бога Отца.
Братия:
А минь.
Старший:
В ерую, Господи, и исповедую, яко Ты еси воистинну Христос, Сын Бога Живаго, пришедый в мир грешныя спасти, от них же первый есмь аз. Еще верую, яко Сие есть Cамое Пречистое Тело Твое, и Сия есть Cамая Честная Кровь Твоя. Молюся убо Тебе: помилуй мя, и прости ми прегрешения моя, вольная и невольная, яже словом, яже делом, яже ведением и неведением; и сподоби мя неосужденно причаститися Пречистых Твоих Таинств, во оставление грехов и в жизнь вечную.
Братия:
А минь.
Старший:
В ечери Твоея Тайныя днесь, Сыне Божий, причастника мя приими; не бо врагом Твоим тайну повем, ни лобзания Ти дам, яко Иуда, но яко разбойник исповедаю Тя: помяни мя, Господи, во Царствии Твоем.
Братия:
А минь.
Старший причащается сам и после этого причащает мирян запасными Святыми Дарами.
Причащая, старший говорит:
П ричащается раб Божий (имя) Честнаго и Святаго Тела и Крове Господа и Бога и Спаса нашего Иисуса Христа, во оставление грехов своих и в Жизнь Вечную. Аминь.
Братия (во время причащения):
Т ело Христово приимите, Источника безсмертнаго вкусите.
После причащения старший говорит:
Б уди Имя Господне благословено отныне и до века -поклон-
Б уди Имя Господне благословено отныне и до века -поклон-
Б уди Имя Господне благословено отныне и до века -поклон-
Старший:
С лава Отцу и Сыну и Святому Духу. И ныне и присно и во веки веков.
Братия:
А минь.
Чтец читает псалом 33:
Б лагословлю Господа на всякое время, выну хвала Его во устех моих.
О Господе похвалится душа моя, да услышат кротцыи и возвеселятся.
Возвеличите Господа со мною, и вознесем имя Его вкупе.
Взысках Господа и услыша мя, и от всех скорбей моих избави мя.
Приступите к Нему и просветитеся, и лица ваша не постыдятся.
Сей нищий воззва, и Господь услыша и, и от всех скорбей его спасе и.
Ополчится Ангел Господень окрест боящихся Его, и избавит их.
Вкусите и видите, яко благ Господь; блажен муж, иже уповает нань.
Бойтеся Господа, вси святии Его, яко несть лишения боящымся Его.
Богатии обнищаша и взалкаша, взыскающии же Господа не лишатся всякаго блага.
Братия:
Д остойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Братия:
С лава Отцу и Сыну и Святому Духу. И ныне и присно и во веки веков. Господи помилуй, Господи помилуй, Господи помилуй. Благослови.
Старший:
В оскресый из мертвых Господи Иисусе Христе Сыне Божий, молитвами Пречистыя Своея Матере, святаго Апостола любви Иоанна Богослова и прочих святых и всехвальных Апостол, святаго (имя святого данного дня), святых и праведных Богоотец Иоакима и Анны и всех святых, помилуй и спаси нас, яко благ и человеколюбец.
Братия:
А минь.